29 сентября 2017 г.
Район территорийĕнче сентябрĕн 25-мĕшĕнчен пуçласа 30-мĕшĕччен "Должник" профилактика мероприятийĕ пырать. Йĕркене пăснăшăн административлă штрафа тỹлеме йышăну кăларчĕç пулсан ăна, РФ КоАПĕн 32.2 статйипе килĕшỹллĕн, 60 кун иртиччен тỹлесе татмалла. Палăртнă вăхăтра штрафа тỹлемесен унăн сумми тата икĕ хутчен ỹсет. Унсăр пуçне, РФ КоАПĕн 20.25 статйипе килĕшỹллĕн, айăпа кĕнĕ гражданина 15 куна арестлеме е 50 сехет таран ĕçлеттерме йышăну кăларма та пултараççĕ. Хăвăра кăсăклантаракан ыйтусемпе районти шалти ĕçсен пайĕнчи 27-мĕш пỹлĕме пыма пултаратăр.
Паянхи кун тĕлне РФ КоАПĕн 20.25 статйине пăснăшăн, штрафа вăхăтра тỹлеменшĕн административлă 52 протокол çырнă, 15-не административлă арест панă. Йĕркене пăсакан 5 çынна ĕçлеттерме йышăннă тата 20800 тенкĕлĕх штраф панă. Парăмсене вăхăтра тỹлĕр, хăвăрах çăмăл пулĕ.
О.КОРОТИНА,
инспектор.
Источник: "Каçал Ен"