26 сентября 2017 г.
Урмаел ялĕнче пурăнакан Майзиян Сайфулловна Башкртова авăн уйăхĕн 24-мĕшĕнче 90 çул тултарнине паллă тунă.
Вăрăм ĕмĕрлĕ юбиляра район администрацийĕн экономика, пурлăхпа çĕр хутшăнăвĕсен пайĕн начальникĕпе Светлана Ульдинапа Урмаел ял тăрăхĕн пуçлăхĕ Минзаит Зайнуллин саламланă. Раççей Президенчĕ Владимир Путин янă саламлă çырăва вуласа панă.
Майзиян аппа Минатулла Сафиуллин çемйинче кун кунлать. Мерсида кинĕ те ватта хисеплет. "Майзиян аппа маншăн анне вырăнĕнчех", - тет хĕр-арăм ăна сума суса.
Сумлă юбилярăн çемйи питĕ пысăк. Вăл тăванĕн ачисемпе тата вĕсен тĕпренчĕкĕсемпе чунтан хĕпĕртет.
Нумай кирлĕ-и вара ват çынна савăнтарма? Майзиян аппа пухăннисене тимлĕхшĕн, хăйĕн çинчен манманшăн ăшшăн тав тунă.
А.ДЕНИСОВА.
Источник: "Каçал Ен"