Публикации » Маттур ĕçчене - хисеплĕ ят

19 сентября 2017 г.

Авăн уйăхĕн 15-мĕшĕнче Вăрман отраслĕн ĕçченĕсен кунĕ ячĕпе Шупашкарта уяв иртнĕ. Чăваш Ен Пуçлăхĕ Михаил Игнатьев тата Чăваш Республикин çут çанталăк ресурсĕпе экологи министрĕ Александр Коршунов тĕрлĕ куравсен ĕçĕсемпе кăсăкланнă, вĕсене курса хакланă. Мероприятие пухăннисене саламланă май, Михаил Игнатьев вăрмансене хăрушсăрлăхпа тивĕçтернин ĕçне пысăка хурса хакланă. Чăваш Ен Правительстви тата вăрман отраслĕн специалисчĕсем вăрмансене - пире çут çанталăк парнеленĕ. Çав тери хаклă пуянлăха - тивĕçлипе сыхласа упрас тĕлĕшпе ырми-канми тăрăшнине асăннă. "Чăваш Енĕн вăрман пуянлăхне типтерлĕн сыхласа упракан, экологи хăрушсăрлăхне ỹстерес ĕçе курăмлă тỹпе хывакан кашни çыннах чунтан тав тăватăп" , - тенĕ Михаил Васильевич. Яланхиллех, хисепе тивĕçнисене патшалăх наградисемпе чысланă. Вĕсем хушшинче пирĕн район представителĕ те пур. Шăмăршăри лесничествăн Комсомольскинчи участокри лесничествин начальникне Вячеслав Егорова (сăн ỹкер-чĕкре варринче) "Чăваш Республикин вăрман хуçалăхĕн тава тивĕçлĕ ĕçченĕ" хисеплĕ ят парса чысланă.

(ХАМĂР ИНФ.).

Источник: "Каçал Ен"