12 сентября 2017 г.
"Каçал ен" - чи юратнă изданисенчен пĕри. Республика хыпарĕсемпе "Хыпарта" е сенкер экран умĕнче паллашатăп пулсан, тăван районта пулса иртекен ĕç-хĕлпе вара - юратнă хаçат урлă.
"Каçал ен" хаçата эпĕ пĕр номерне те сиктермесĕр вуласа пыратăп. Мана вăл районăн тата республикăн кун-çулне пĕтĕм енчен сăнласа панипе килĕшет. Кунта савăнса мăнаçланмалли те пайтах, шутламалли те чылай. Пахалăхĕпе пĕлтерĕшĕ пирки калас пулсан, вĕсем çулран-çул ỹсеççĕ. Ку пулăм мана чунтан хавхалантарать.
Паян, вырăнти радио ĕçлемен тапхăрта, район çыннисемшĕн хаçат витĕмлĕ информаци хатĕрĕ пулса тăчĕ. Хакĕ пирки калас пулсан - çыртаканниех мар. Кашни эрнере ытларикунпа эрнекуна чăтăмсăррăн кĕтетĕп. Ара, "Каçал ен" тусăм çитет-çке. Йышăнам, юратнă хаçатăма вуламасассăн хама тус-тăвансенчен уйрăм пек туятăп. Хаçат-журналпа кĕнеке тусĕ пулнă май яланах, укçа-тенке перекетлес тĕллевпе, кашни çур-çултах редакци ирттерекен акцие хутшăнса хаçата йỹнĕрех хакпа çырăнатăп. Халĕ "Каçал ен" хаçата 2018 çулхи 1-мĕш çурçула çырăнмалли хĕрỹ тапхăр пырать. Васкăр, районăмăрти пĕр çемье те "Каçал ен" хаçатсăр ан юлтăрччĕ.
Николай Васильев, хаçат тусĕ.
Источник: "Каçал Ен"