01 сентября 2017 г.
Çамрăксем хушшинче экстремизмпа терроризм ыйтăвĕсене уçăмлатас, вĕсемпе кĕрешме хăнăхтарас тĕллевпе сентябрĕн 4-8-мĕшĕсенче республикăра "Террора хирĕçле кино" эрнелĕх иртет. Комсомольски, Патăрьел, Елчĕк, Йĕпреç районĕсенче терроризма хирĕçлекен фильмсем кăтартма палăртнă. Куракансем "Кандагар", "Личный номер", "Код апокалипсиса", "Всадник по имени смерть", "Олимпиус инферно" фильмсене курса киленме пултараççĕ. Çавăн пекех фильмсем пуçланиччен "Что такое терроризм?" видеоролик кăтартĕç. Унпа пĕрлех эрнелĕх вăхăтĕнче тĕлпулусем, калаçу сехечĕсем йĕркелеме палăртнă.
Источник: "Каçал Ен"