25 августа 2017 г.
1945 çулта Совет çарĕ ылханлă фашистсене çапса аркатнă хыççăн Германире совет çарĕн ушкăнне йĕркелесе яраççĕ. Группăн тĕп тĕллевĕ СССРăн хĕвеланăç чиккине тăшманран хỹтĕлесси пулнă.
Ун хыççăнхи 49 çул хушшинче Германире 10 миллион Совет салтакĕпе офицерĕ çар тивĕçне пурнăçланă. Анчах та Совет Союзĕ арканнă хыççăн Раççей Федерацийĕ Демократиллĕ Германи Республикинчен пирĕн çарсене илсе тухма килĕшỹ тăвать. Ку ĕç 1990 çулхи сентябрĕн 12-мĕшĕнче пулса иртнĕ. 1994 çулхи августăн 31-мĕшĕнче Германи çĕрĕнчен юлашки çарсене илсе тухса пĕтереççĕ. Унтанпа 23 çул çитрĕ.
Историе кĕрсе юлнă çак паллă куна районти ветерансен союзĕн уйрăмĕ çулсерен паллă тăвать. Кăçал та августăн 31-мĕшĕнче кăнтăрла иртсен, 15 сехетре, Германире хĕсметре пулнисене Мухтав монуменчĕ патне йыхравлатпăр.
Районти ветерансен союзĕн уйрăмĕ.
Источник: "Каçал Ен"