25 августа 2017 г.
Районта Раççей Патшалăх ялавĕн кунне халалласа тĕрлĕ мероприяти иртрĕ. Вĕсене ачасем те, аслисем те хастар хутшăнчĕç.
Библиотекăсенче, культура учрежденийĕсенче, ял хуçалăх предприятийĕсенче РФ Патшалăх ялавĕн кунне паллă турĕç. Акă, культурăпа кану çурчĕн ĕçченĕсем çак кун "Дружба", "Луч", "Труд" ял хуçалăх кооперативĕсен ĕçченĕсемпе тĕл пулчĕç. Тырă аллакансене Мария Илларионова, Валентина Курицына, Лариса Носова, Валентина Тимофеева, Владимир Павлов илемлĕ юрă-ташăпа савăнтарчĕç. Унпа пĕрлех Раççей Патшалăх ялавĕн историйĕпе, унăн кун-çулĕпе паллаштарчĕç, ялав тĕсĕсем мĕне пĕлтернине каласа пачĕç.
(ХАМĂР ИНФ.).
Источник: "Каçал Ен"