08 августа 2017 г.
Районти территориллĕ суйлав комиссийĕ Пĕрлехи суйлав кунĕ валли кандидатсенчен заявленисем йышăнассине тата регистрацилессине вĕçлерĕ.
Аса илтеретпĕр, сентябрĕн 10-мĕшĕнче икĕ ял тăрăхĕнче вырăнти депутатсене суйлĕç. Эпир вулакансене халăх тарçи пулас кăмăллисене регистрацилесси епле пынипе паллаштарсах тăтăмăр. Августăн 4-мĕшĕнче вара Раççей Либераллă-демократиллĕ партийĕн районти уйрăмĕ сĕннĕ кандидатсене удостоверени патăмăр. Александровка 11-мĕш пĕр мандатлă округпа тăратнă кандидат - Сергей Николаевич Алексеев. Вăл 1979 çулта çуралнă, вăтам професси пĕлĕвĕ илнĕ, кил хуçи, Комсомольски ялĕнче пурăнать.
Нина Георгиевна Совина вара Кайнлăк 7-мĕш пĕр мандатлă суйлав округĕпе кандидат пулса тăчĕ. Вăл 1968 çулхи, аслă пĕлỹллĕ, Комсомольски 2-мĕш вăтам шкулĕн учителĕ, Комсомольски ялĕнче пурăнать.
Пĕтĕмĕшле вара икĕ округпа тăватшар кандидата регистрациленĕ. "Единая Россия", КПРФ, ЛДПР тата "СПРАВЕДЛИВАЯ РОССИЯ" партисен районти уйрăмĕсем сĕннĕ кандидатсем сентябрĕн 10-мĕшĕнче ял поселенийĕн депутачĕсен Пухăвĕн депутачĕсем пулассишĕн кĕрешĕве тухĕç.
Н.РОЗОВА.
Источник: "Каçал Ен"