Публикации » Попечитель канашне çирĕплетнĕ

04 августа 2017 г.

Шупашкарта "Атăлçи федераци округĕн Совет Союзĕн Геройĕ А.В.Кочетов ячĕллĕ Чăваш кадет корпусĕ" вĕрентỹ учрежденийĕн попечитель канашĕн анлă ларăвĕ иртнĕ. Чăваш Ен тĕп хулин Çĕнĕ Кăнтăр микрорайонĕнчи строительство ĕçĕсем июль уйăхĕнче пуçланнă, 2018 çулхи сентябрьте вĕçленмелле. Кадет корпусĕ РФ Сывлăш-космос вăйĕсем валли специалистсем хатĕрлĕ. Вĕренме республикăри шкулсенчи 5-мĕш класра пĕлỹ илекенсене çеç мар, ытти регионсенчисене те илĕç. Ларăва хутшăннисем Попечитель канашĕн йышне çирĕплетнĕ, çумпредседателĕсем - РФ Президенчĕн Атăлçи федераци округĕнчи полномочиллĕ представителĕн çумĕ Игорь Паньшин тата ЧР Пуçлăхĕ Михаил Игнатьев. Чăваш Ен Пуçлăхĕ РФ оборона министрне, арми генералне Сергей Шойгуна, РФ Президенчĕн Атăлçи федераци округĕнчи полномочиллĕ представительне Михаил Бабича ку ĕçре пулăшнăшăн тав тунă. Лару вĕçленсен Игорь Паньшин кадет корпусне тунă çĕрте пулса строительство ĕçĕсем мĕнле пынипе паллашнă.

Источник: "Каçал Ен"