Публикации » Салтакра пулман - патшалăх ĕçне кĕреймĕн

01 августа 2017 г.

Раççей Президенчĕ Владимир Путин çĕнĕ саккуна алă пусса çирĕплетнĕ. Унпа килĕшỹллĕн çара каяссинчен пăрăнма хăтланакансем вунă çул хушши патшалăх службинче ĕçлеме пултараймĕç. Унчченхи йĕркепе вара салтак хĕсметĕнчен тарса çỹрекенсем патшалăх ĕçне пачах та кĕреймен.

Малтанхи саккуна улшăнусем кĕртесси Раççей Конституцийĕн сучĕн йышăнăвĕпе çыхăннă. Вăл асăннă йĕрке этемĕн ĕçе вырнаçас ирĕкне хĕстерет тесе палăртнă. Çĕнĕ документăн тексчĕ тăрăх, салтакран тарса çỹрекен арçын патшалăх ĕçне 2014 çулхи кăрлачăн 1-мĕшĕ хыççăн вырнаçнă пулсан ăна ĕçрен кăларса ямалла. Военкоматсен салтакран пăрăнакан çынсем çинчен патшалăх органĕсене пĕлтерсе тăмалла пулать.

Источник: "Каçал Ен"