25 июля 2017 г.
Вăрмар районĕнчи Арапуç ялĕнче çурçĕр иртни 2 сехетре пушар тухнă. РФ МЧСĕн Чăваш Енри тĕп управленийĕн пресс-служби пĕлтернĕ тăрăх, çурт аçа çапнине пула çунма тытăннă. Кил хуçисем темĕн шартлатнипе вăранса кайнă. 62 çулти арçын картише тухнă та çурт тăрри çуннине асăрханă. Пушарпа кĕрешекенсем киличчен вĕсем çулăма шлангран сирпĕтсе сỹнтернĕ. Çăлавçăсем пушара 10 минутран тĕп тунă. Телее, çурта сыхласа хăварма май килнĕ.
Патăрьел районĕнчи Аслă Арапуç ялĕнче пурăнакан 71 çулти кинемейĕн сарайне те аçа çапнă. Вăл çурçĕр иртни 1 сехетре çунма тытăннă. Юрать, пушарпа кĕрешекенсем икĕ метрта ларакан çурта сыхласа хăварнă.
Утă уйăхĕн 20-мĕшĕнче Шупашкар, Çĕрпỹ, Канаш районĕсенче те пушар тухнă
Источник: "Каçал Ен"