25 июля 2017 г.
Метеостанци çутçанталăкшăн хăрушă пулăм асăрханă. Кун пирки ЧР Ял хуçалăх министерстви пĕлтерет.
Юлашки вăхăтра республикăра çумăр нумай çурĕ. Çавна май уй-хирти ĕç кая юлса пырать. Чăваш гидрометцентрĕ пĕлтернĕ тăрăх, ял хуçалăх культурисене ỹсмешкĕн тата аталанмашкăн агрометеорологи условийĕсем япăх пулнă.
Пĕтĕмĕшле илсен, уй-хирти ĕç 10-14 кун юлса пырать. Агрометеорологин Çĕрпỹри посчĕ хыпарланă тăрăх, утă уйăхĕн 1-21-мĕшĕсенче тăпрара нỹрĕк ытлашши нумай пулнă. Çакă выльăх-чĕрлĕх апатне хатĕрлеме чăрмантарать.
Источник: "Каçал Ен"