Публикации » Выльăх-чĕрлĕх апачĕ хатĕрлеççĕ

14 июля 2017 г.

 Районти ял хуçалăх предприятийĕсемпе фермер хуçалăхĕсенче, колхозсенче выльăх апачĕ хатĕрлесси вăй илсех пырать. Çумăрлă çанталăка пула вăраха кайнă ĕçсене уяр кунсенче çине тăрсах пурнăçлаççĕ. Июлĕн 13-мĕшĕ тĕлне хуçалăхсенче нумай çул ỹсекен курăксен 3574 гектарне çулса пăрахнă. Хальлĕхе 3870 тонна утă хатĕрленĕ. Ку енĕпе уйрăмах "Дубовка" ООО (430 гектар), "Дружба" ЯХПК (300 гектар) ĕçченĕсем аван тăрăшаççĕ. "Рассвет" хуçалăхра 1250 тонна сенаж хывнă. "Урожай" колхозра 930 тонна сенаж янтăланă. Пурĕ районĕпе 7720 тонна сенаж хатĕрленĕ. Ял хуçалăх предприятийĕсенче 4610 тонна силос хывнă. Асăннă ĕçре "Искра" колхоз тата "Восток" ЯХПК ĕçченĕсем маттур. Вĕсем 1100-шер тонна силос янтăлама ĕлкĕрнĕ.

Хуçалăхсенче паянхи кун чăннипех те хĕрỹ ĕç вăхăчĕ. Пурте выльăх апачĕ çителĕклĕ хатĕрлес тесе тăрăшаççĕ. Тĕллев - палăртнă ĕçсене вăхăтра пурнăçласси.

В.НИКИФОРОВ.

Источник: "Каçал Ен"