30 июня 2017 г.
Районти нумай функциллĕ центр (НФЦ) хута кайни граждансемшĕн çав тери меллĕ пулса тăчĕ. Халĕ кирлĕ хутсене пуçтарас тесе пĕр пỹлĕмрен тепĕр пỹлĕме чупма кирлĕ мар. Район центрне килмелле те кунта "пĕр чỹрече" мелĕпе усă курса вăхăта перекетлеме пулать.
Халиччен "Манăн документсем" центр паспорт хатĕрлеме сăнỹкерчĕкпе документсене йышăннă. Паспорт илме вара вырăнти миграци енĕпе ĕçлекен уйрăма килмеллеччĕ. Июнĕн 20-мĕшĕнчен пуçласа хатĕр паспорта нумай функциллĕ центр урлах хатĕрлесе параççĕ. Паянхи кун тĕлне "пĕр чỹрече" мелĕпе усă курса 10 çын паспортлă пулма ĕлкĕрнĕ. Апла пулсассăн тăхтаса тăмасăрах нумай функциллĕ центра çитĕр. Пирĕн адрес: Комсомольски ялĕ, Завод урамĕ, 57 (райадминстраци çурчĕ, 1-мĕш хут).
О.ГРИГОРЬЕВА,
НФЦ директорĕ.
Источник: "Каçал Ен"