30 июня 2017 г.
Республикăри агропромышленноç комплексĕн хуçалăхĕсем хушшинчи чи лайăх 100 предприятие палăртасси вунă çул ĕçлет. Предприятисен ĕçне тишкересси тата вырăнсене палăртасси АПК ыйтăвĕсемпе, ЧР Ял хуçалăх министерствин коллегийĕн правительство комиссийĕ туса хатĕрленĕ тата çирĕплетнĕ методикăпа килĕшỹллĕн пулса пырать.
Июнĕн 23-мĕшĕнче Чăваш Республикин тĕп хулинчи Чăваш патшалăх ял хуçалăх академийĕнче çулленхи "Агро-100" клубăн презентацийĕ иртнĕ. Унта 2016 çулхи кăтартусене пăхса тухса республикăри чи лайăх ял хуçалăх предприятийĕсене палăртнă. Çапла майпа пирĕн районти 12 ял хуçалăх предприятийĕ кăçал та "Агро-100" клуб йышне кĕме пултарчĕ. Рейтингра 12-мĕш вырăнта "Слава картофелю" агрофирма. "Комсомольские овощи" ООО - 19-мĕш, "Урожай" колхоз - 26-мĕш, "Искра" - 27-мĕш, "Асаново" ЯХПК - 29-мĕш вырăнта. "Слава" ЯХПК (34-мĕш), "Труд" ЯХПК (51-мĕш), "Дружба" ЯХПК (52-мĕш), "Рассвет" ЯХПК (63-мĕш), "Восток" ЯХПК (67-мĕш), "Сюрбеево" ООО (69-мĕш), "Золотой колос" фермер хуçалăхĕ (74-мĕш) - "Агро-100" клуб йышĕнче.
Источник: "Каçал Ен"