Публикации » Раллипе киленĕпĕр

06 июня 2017 г.

 Пĕтĕм тĕнчери "Шелковый путь" çиччĕмĕш ралли старт иличчен пĕр уйăх ытларах çеç юлчĕ.

Харсăр спортсменсен Раççей, Казахстан тата Китай территорийĕсемпе 9,5 пин ытла çухрăма хыçа хăвармаллла. Хĕрỹ ăмăрту утă уйăхĕн 7-мĕшĕнче Мускаври Хĕрлĕ тỹремре пуçланать. Экипажсем Чăваш Ен тĕп хули еннелле çул тытĕç. Ку сыпăк - 722,9 км. Малтан Етĕрне районĕпе 61 çухрăм иртĕç. Хăвăрт çỹреме пултаракан ятарлă автомашинăсем темиçе тапхăрпа чылай хула витĕр тухса утă уйăхĕн 11-14-мĕшĕсенче Казахстанра тупăшĕç. Унтан Тянь-Шань ту хырçисем урлă каçса Китая пырса кĕрĕç. Караванăн чи кăсăклă саманчĕ Гоби пушхирĕнче пулĕ. Ăмăрту утă уйăхĕн 22-мĕшĕнче Китай императорĕсен 13-мĕш династийĕн тĕп хулинче вĕçленĕ.

Источник: "Каçал Ен"