06 июня 2017 г.
Раççей Президенчĕ Владимир Путин çитес çул Ачалăх вунăçуллăхĕ пуçланасси çинчен ятарлă Хушу кăларнă. Çу уйăхĕн 29-мĕшĕнче алă пуснăскер 2027 çулччен тăсăлĕ.
Çакна 2012-2017 çулсенче ачасен интересĕсемпе ĕçлекен Наци стратегийĕ ăнăçлă пурнăçланса пынине шута илсе ачалăха хỹтĕлес енĕпе патшалăх политикине лайăхлатса пырас тĕллевпе йышăннă. Указа право информацийĕн интернет-порталне вырнаçтарнă. Правительствăна малтанхи икĕ çулти тĕп мероприятисен планне 3 уйăхра çирĕплетме хушнă.
Çĕршывра Ачалăх вунăçуллăхне палăртма Федераци Канашĕн спикерĕ Валентина Матвиенко сĕннĕ. Вăл каланă тăрăх, çĕнĕ проект ывăл-хĕре пурнăçăн анлă çулĕ çине тăмашкăн хатĕрлеме пулăшать. Владимир Путин çак пуçарăва ырласа указа алă пуснă хыççăн Раççей вице-премьерĕ Ольга Голодец проектăн тĕп приоритечĕсене пĕл-тернĕ. Вĕсем виçĕ çула çитмен ачасене садикпе тивĕçтерессипе, амăшĕпе ачине пулăшассипе, демографи лару-тăрăвне лайăхлатассипе çыхăннă.
Источник: "Каçал Ен"