23 мая 2017 г.
Майăн 18-мĕшĕнче "Кĕтне" физкультурăпа спорт комплексĕнче спорт уявĕ иртрĕ. Пĕтĕм тĕнчери çемье кунне халалланă ăмăртăва ача усрава илнĕ çемьесем хутшăнчĕç. Аслăраххисем те, пĕчĕккисем те тĕрлĕ вăйăра вăй виçрĕç. "Смешарики", "Спартак", "Звезда" командăсем çăмхапа чупса, тăршшĕне сиксе, çăмха ывăтса тата ытти вăйăсенче те тупăшрĕç.
Çакăн йышши ăмăртусем йĕркелени çемьесене пĕр тытăма пĕрлештерме пулăшать. Сывлăхне çирĕплетнипе пĕрлех, вĕсем пĕрле вăхăта усăллă ирттереççĕ, курнăçса калаçаççĕ. Çакă вара темрен те паха. Ачасем спортпа туслашни, çывăх çыннисенчен тĕслĕх илни те пурнăçра пысăк вырăн йышăнать.
Т.ГАЛЗАНОВА,
район администрацийĕн опекăпа попечительство уйрăмĕн заведующийĕ.
Источник: "Каçал Ен"