05 мая 2017 г.
Апрелĕн 26-мĕшĕнче районти халăха ĕçпе тивĕçтерекен центрта ĕçсĕр граждансене ĕç тупма пулăшас тĕллевпе вакансисен ярмăркки иртрĕ.
Райпо, Н.Васильев фермер, В.Спиридонов уйрăм предприниматель 70 ытла ĕç вырăнĕ пурри çинчен пĕлтернĕ. Ытларах трактористсем, сутуçăсем, дояркăсем, ветеринари тухтăрĕ, рабочисем кирлĕ.
Асăннă ярмăрккана 11 çын хутшăнчĕ. Вĕсене ĕç рынокĕнчи лару-тăру, базăри вакансисем пирки пĕлтертĕмĕр. Мероприяти ирттернĕ май районта пурăнакан 3 гражданин Васильев фермер хуçалăхĕнче ĕçе вырнаçма килĕшрĕ.
Районти ĕçпе тивĕçтерекен центр ытти организацисемпе предпритисене те вакансисен ярмăрккисене хутшăнма чĕнет.
К.КОКШИН,
центр директорĕ.
Источник: "Каçал Ен"