18 апреля 2017 г.
Районти ял хуçалăх производство кооперативĕсенче, колхозсенче, фермер хуçалăхĕсенче тăрăшакансем çурхи ака ĕçĕсене хатĕрленеççĕ. Тĕллев - ĕçсене вăхăтра пурнăçласси. Паянхи куна çунтармалли-сĕрмелли материалсем çителĕклĕ кỹрсе килнĕ, 1638 тонна минераллă удобрени пур. Тĕш-тырă культурисен вăрлăхне те тăхтаса тăмасăрах имçамламаллине шута илсе, хальлĕхе 30 тонна имçамланă. Вăрлăхăн 97 проценчĕ кондициллĕ.
Апрелĕн 17-мĕшĕ тĕлне хуçалăхсенче нумай çул ỹсекен курăксен 500 гектарне, кĕрхи культурăсен 180 гектарне апатлантарнă. Çавăн пекех уй-хирсенче çĕрсене сỹрелеççĕ. Çак ĕçе 140 гектар çинче пурнăçланă.
Хуçалăхсенче çĕрулми вăрлăхĕн 400 тоннине яровизацилеме кăларнă. Пĕрлехи тĕллев - паян пурнăçламалли ĕçсене ырана хăвармасăр тăрăшасси.
Ш.ЗЕЙНУТДИНОВ,
тĕп агроном.
Источник: "Каçал Ен"