Публикации » Мăнкун кĕлли - тỹрĕ эфирта

14 апреля 2017 г.

 Апрелĕн 16-мĕшĕнче православи тĕнне ĕненекенсем чи çутă та аслă уява - Мăнкуна - паллă тăваççĕ. Çак ятпа чиркỹсенче аслă кĕлĕсем иртеççĕ. Шăматкун каçхине вара Наци телевиденийĕ (Триколор ТВ программăпа 823-мĕш кнопка) Шупашкар хулинчи Татиана соборĕнчи Мăнкун каçĕн кĕллине тỹрĕ эфира кăларать. Вăл апрелĕн 15-мĕшĕнче 23 сехетре пуçланать. Уяв службине Чăваш митрополийĕн пуçлăхĕ, Чăваш тата Шупашкар митрополичĕ Варнава ирттерет. Çак каçах Иерусалимри Христос чĕрĕлĕвĕн чиркĕвĕнчен "Иерусалим валли тăнăçлăх ыйтăр" акципе килĕшỹллĕн сăваплă çулăм Раççее килсе çитет. Унтан ăна пирĕн республикăна илсе килеççĕ, районсенчи чиркỹсене те илсе çитереççĕ.

Источник: "Каçал Ен"