14 апреля 2017 г.
Районти ял хуçалăх производство кооперативĕсенче, колхозсенче, фермер хуçалăхĕсенче çурхи ĕçсем пуçланнă. Апрелĕн 12-мĕшĕ тĕлне нумай çул ỹсекен курăксен 480 гектарне апатлантарнă. Ку енĕпе "Слава" ЯХПК (40 гектар), "Дружба" ЯХПК (260 гектар), Хайртдинов тата Пахалов фермер хуçалăхĕсем (50-шар гектар) лайăх ĕçлеççĕ. Хуçалăхсенче кĕрхи культурăсене 180 гектар çинче апатлантарнă. Çавăн пекех уй-хирте çĕрсене сỹрелеççĕ.
Хайртдинов фермер хуçалăхĕнче çĕрулми вăрлăхĕн 25 тоннине яровизацилеме кăларнă. Ытти хуçалăхсем çак ĕçе ыран-паян тытăнмалла.
Кашни кунпа пĕлсе усă курса палăртнă ĕçсене вăхăтра пурнăçласчĕ. Тĕштырă культурисен вăрлăхне те тăхтаса тăмасăрах имçамламалла. Çуракине кĕске вăхăтра ирттерме пĕтĕм вăйран тăрăшасчĕ.
Ш.ЗЕЙНУТДИНОВ,
тĕп агроном.
Источник: "Каçал Ен"