11 апреля 2017 г.
Кĕçех, çу уйăхĕн 18-мĕшĕнче, Чăваш патшалăх оперăпа балет театрĕнче кашни шкул ачи пăхма тивĕçлĕ "Перевернуть игру" проект пурнăçа кĕрĕ.
Унăн авторĕ - Раççей халăх артисчĕ Дмитрий Маликов. Пĕр сехет çурă тăсăлакан спектакльте музыка историйĕпе туллин паллаштарĕç. Моцартăн, Бахăн, Бетховенăн, Чайковскин, Рахманиновăн, Шостаковичăн, Глюкăн, Листăн чаплă хайлавĕсем янăрĕç. Сюжет икĕ ăру калаçăвĕпе майлашăнса пырĕ. Ашшĕсемпе ачисен ĕмĕртен ĕмĕре тăсăлакан хирĕç тăрăвне "çемçетме" аслă музыкантсем, Бах, Бетховен, Моцарт, М.Джексон композиторсем пулăшĕç. Вĕсем сцена çине те тухĕç.
Спектакле Мускав театрĕсен паллă актерĕсем хутшăнĕç. Режиссерĕ - Ольга Субботина. Постановкăна Владимир Мартиросов художник илемлетет, тумсемпе "Ылтăн маска" преми çĕнтерỹçи Евгения Панфилова ĕçлет.
Источник: "Каçал Ен"