07 апреля 2017 г.
Иркутск облаçĕнче çынсем фанфурик ĕçсе наркăмăшланса вилнĕ хыççăн Раççейре çак шĕвеке сутма чарнă. Ку чару вăхăтлăх кăна пулнăччĕ.
Анчах малашне те фанфурик суттарма Раççейри тĕп санитари тухтăрĕ Анна Попова ку чарăва татах тăснă. Йышăнупа килĕшỹллĕн, фанфурика тепĕр 90 кун сутма юрамасть.
Документра палăртнă тăрăх, 28 процент ытларах спиртлă шĕвексене сутма юрамасть. Çавăн пекех спиртран тунă ароматизаторсемпе хушкăчсем те çак списока кĕнĕ. Кантăк тасатмалли шĕвеке çеç пырса тивмест ку.
Аса илтерер: спиртлă шĕвексене 2016 çулхи раштав уйăхĕн 25-мĕшĕнче сутма чарнă. Ку чарăва икĕ хут тăснă ĕнтĕ.
Источник: "Каçал Ен"