07 апреля 2017 г.
Комсомольски район администрацийĕн пуçлăхĕ Алексей САМАРКИН:
- Чăваш Республики 2016 çулта ỹсĕмлĕ аталанса пыни куçкĕрет. Михаил Игнатьев хăйĕн отчетĕнче патшалăх политикин тĕп çул-йĕрне палăртрĕ, социаллă тата экономика аталанăвне пĕтĕмлетрĕ, харпăр хăй илекен тупăш малтанхи çулхинчен пысăкрах пулнине асăнчĕ. Малашнехи аталану валли çирĕп никĕс хывса хăварнă.
2016 çулта республикăн ял хуçалăх отраслĕнчи нумай кăтарту савăнтарать. Комсомольски районĕнче юлашки çулсенче пуçласа 20 инвестици проектне пурнăçа кĕртме пуçланă, 11-шне вĕçленĕ те ĕнтĕ. Вĕсен пĕтĕмĕшле хакĕ 154,4 млн тенкĕпе танлашать. Хушма 35 ĕç вырăнĕ йĕркеленĕ.
Михаил Васильевич усă курман çĕрсене çаврăнăша кĕртесси çинче уйрăммăн чарăнса тăчĕ. Ку енĕпе Комсомольски районĕ лидерсен шутĕнче тесе шутлатăп, мĕншĕн тесен пирĕн тăрăхра усă курман çĕр лаптăкĕ çук. Кунсăр пуçне, хăшпĕр хуçалăхсем кỹршĕ районсенчи 3882 гектар çĕре çаврăнăша кĕртнĕ.
Чăваш Патшалăх Канашĕн депутачĕсем Министрсен Кабинечĕн 2016 çулхи ĕçне "аван" хак пачĕç.
Источник: "Каçал Ен"