04 апреля 2017 г.
Ака уйăхĕн 4-9-мĕшĕсенче Чăваш патшалăх оперăпа балет театрĕнче Пĕтĕм тĕнчери XXI балет фестивалĕ иртет. Кăçал ăна пирĕн республикăри балет 50 çул тултарнине халалланă.
Фестиваль "Жизель" балетпа уçăлĕ. Ака уйăхĕн 6-мĕшĕнче Мариински театрĕн артисчĕсем "Баядерка" лартĕç. Ака уйăхĕн 7-мĕшĕнче сцена çине "Спящая красавица" тухĕ.
Тепĕр кунхине "Золушка" балет лартĕç. Ăна Шупашкарсем виççĕмĕш хут курĕç. Унăн премьери пĕлтĕр чỹк уйăхĕн 13-мĕшĕнче пулнă.
Ака уйăхĕн 9-мĕшĕнче гала-концерт пулĕ. Паллă артистсемпе пĕрле Коике Саори, Диана Косырева, Дарья Хохлова, Артемий Беляков, Андрей Сорокин, Олеся Гапиенко сцена çине тухĕç.
Источник: "Каçал Ен"