17 марта 2017 г.
Пуш уйăхĕн 15-мĕшĕнче Чăваш чĕлхин инçет вĕренỹ центрĕ çĕнĕ видеоконкурс пуçлать. Вăл пĕлтĕрхи "Эпĕ пĕчĕкçĕ чăваш" видеосăвăсен конкурсĕн тăсăмĕ пулĕ. Унăн кăçалхи ячĕ - "Эпĕ пĕчĕкçĕ чăваш ача-пăчи". Хальхинче вăл шкула кайман ачасене халалланăскер пулĕ. Конкурса хутшăнакан ачасен, 2-15 çулхисен, халăх сăмахлăхĕн е чăваш поэчĕсен сăввисене вуласа памалла. Ушкăнпа пуçтарăнса чăваш ачисен вăййине вылянине ỹкермелли номинаци хальхинче те пур.
Конкурса хутшăнас текенсен электронлă регистраци тухмалла. Конкурса çырăнмалли страница http://pecekse.chuvash.org адреспа вырнаçнă. Регистрациленнисĕр пуçне унта сирĕн видео ỹкермелли сăвва е вăййа суйласа илмелле пулать. Видеосене интернета кăларса хума ирĕк паракан ашшĕ-амăшĕн заявленисемпе пĕрле civhim2@yandex.ru электрон адреспа ярса памалла.
Конкурс ака уйăхĕн 15-мĕшĕнче 23 сехетре вĕçленет.
Источник: "Каçал Ен"