17 марта 2017 г.
"Чувашия" тата "Чăваш Ен" телерадиокомпанисем Чăваш Республикин Пуçлăхĕ Михаил Игнатьев хутшăннипе мартăн 21-мĕшĕнче çĕнĕ телепроект хута яраççĕ. Вăл "Приложение силы" ятлă, çав кăларăмсенче обществăпа патшалăхăн вăйĕсене республикăра пурăнакансен интересĕсене хỹтĕлессишĕн пĕрлештерни çинчен сăмах пырĕ.
Программăн пирвайхи кăларăмне Раççейри Экологи çулталăкне халаллаççĕ. Хăйсем тĕллĕн пулса каякан свалкăсемпе епле кĕрешмелле? Çынсен тыткаларăш культурине çĕклес тесен мĕн тумалла? Атăлти шыв пахалăхне витĕм кỹме пулать-и? Çак тата ытти ыйтусене Михаил Игнатьев экологие упракан обществăлла организацисен представителĕсемпе сỹтсе явĕ.
"Приложение силы" пĕрремĕш кăларăма мартăн 21-мĕшĕнче "РОССИЯ 1" телеканалăн, мартăн 25-мĕшĕнче 19 сехетре "РОССИЯ 24" телеканалăн регионти эфирĕсенче курма пулĕ. Чăваш Ен наци телевиденийĕнче программăна мартăн 21-мĕшĕнче 9 сехетре, 22-мĕшĕнче - 9.30 сехетре, 26-мĕшĕнче 10 тата 17 сехетсенче курма май пулĕ.
Источник: "Каçал Ен"