14 марта 2017 г.
Шупашкарта Пĕтĕм тĕнчери çамрăксемпе студентсен XIX фестивалĕн волонтер центрĕ уçăлнă. Тĕнче шайĕнчи çак мероприяти кăçал юпа уйăхĕнче Сочи хулинче иртет.
Фестивале ирттермешкĕн пин-пин волонтер кирлĕ пулĕ. Раççейĕпе кунашкал 20 центр ĕçлĕ. Унта волонтерсене хатĕрлĕç. Пирĕн республикăри 500 ытла çамрăк Сочие лекме ĕмĕтленнине пĕлтернĕ. Вĕсенчен чи лайăххисене суйлĕç. Çапла майпа Пĕтĕм тĕнчери фестивале Чăваш Енрен 50 волонтер кайĕ. Унта вара Чăваш Енри 125 студент хутшăнĕ.
Сăмах май, Пĕтĕм тĕнчери фестивале кăçал тĕрлĕ çĕршыври 20 пин çамрăк килĕ. Пурĕ 5 пин ытла волонтер пулĕ.
Источник: "Каçал Ен"