14 марта 2017 г.
Пĕтĕм халăхсен "Артек" ача-пăча центрĕ тата Раççей Почти ачасен çырăвĕсен иккĕмĕш конкурсне ирттерет. Çĕнтерỹçĕсене "Артекра" канма путевка парнелеççĕ.
Конкурса 10-16 çулсенчи ачасем хутшăнма пултараççĕ. Вĕсен "Почта, я хочу в Артек" темăпа алă вĕççĕн çыру çырса хатĕрлемелле те апрелĕн 30-мĕшĕччен çырăва ача-пăчасен центрне ярса памалла. Адресĕ: 298645, Крым Республики, пгт. Гурзуф, "Артек" центр. Çырусене заказпа тата уведомленипе ямалла, конкурса тесе палăртма манмалла мар.
Конкурса "Артек" çуралнă кунĕнче - кăçалхи июнĕн 16-мĕшĕнче - пĕтĕмлетеççĕ. Конкурс положенийĕпе тĕплĕнрех "Артек" ача-пăчасен центрĕн сайтĕнче паллашма пулать - www.artek.org.
Источник: "Каçал Ен"