28 февраля 2017 г.
Районти кĕнеке тусĕсем Раççейĕпех йĕркелекен "Юратса парнелĕр кĕнеке" акцие хастар хутшăннине палăртма уйрăмах кăмăллă. Ăна Пĕтĕм тĕнчери кĕнеке парнелемелли куна, февралĕн 14-мĕшне, асра тытса йĕркелерĕç.
Акци вăхăтĕнче кĕнеке тусĕсем библиотекăна 445 кĕнеке парнеленĕ. Вĕсен ячĕсем "Книга почетных дарителей" кĕнекене яланлăхах çырăнчĕç. В.А.Герасимова, К.И.Кузнецова, В.Г.Петрова, О.К.Митюкова, Е.Н. Хораськина, Ф.А.Гибатдинов, А.Г.Зайцева, Т.В.Белобаева, И.П.Ядрова, А.А.Хайртдинова, А.Н.Самарин тата "Колосок" ача сачĕн туслă коллективĕ: воспитательсем, ашшĕ-амăшĕ, ачасем библиотекăна кĕнекесем парнеленĕ.
Тĕп библиотека директорĕ Инна Ядрова вĕсене Тав хучĕсемпе тата асăнмалăх парнесемпе чысларĕ.
- Сире ырă та тарават кăмăллă пулнишĕн чĕререн тав тăватпăр. Эсир парнеленĕ кĕнекесем библиотека фондне пуянлатаççĕ. Çакă чăннипех те паха, - терĕ вăл тав туса.
Вулавăшри кĕнекесем хăйсен тусĕсене тупаççех.
А.ИСАЕВА.
Источник: "Каçал Ен"