28 февраля 2017 г.
Информаципе коммуникацисен "Рейтинг" центрĕ РФ субъекчĕсен пуçлăхĕсен 2017 çулхи январь-февраль уйăхĕсенчи витĕмлĕхĕн рейтингне пĕтĕмлетнĕ. Чăваш Республикин Пуçлăхĕ Михаил Игнатьев унта 23-мĕш вырăн йышăннă. Пĕрремĕш виçĕ лидер шутне Ямало-Ненец автономи округĕн пуçлăхне Дмитрий Кобылкина, Мускав хулин мэрне Сергей Собянина, Тюмень облаçĕн ертỹçине Владимир Якушева кĕртнĕ.
Экспертсем пĕлтернĕ тăрăх, Михаил Игнатьев хăйĕн позицине Чăваш Енри экономикăпа социаллă аталану аван аталаннипе тата актуаллă ыйтусене татса парассине хăй çине илнипе тытса пырать.
Источник: "Каçал Ен"