22 февраля 2017 г.
Иртнĕ канмалли кунсенче Хĕрлĕ Чутайра хĕллехи ялти спорт вăййисен республикăри 8-мĕш спорт ăмăртăвĕ иртрĕ. Унта ялта пурăнакан, ĕçлекен спортсменсем хутшăнчĕç. Вĕсем икĕ кун хушшинче йĕлтĕрпе чупса, полиатлонра вăй виçсе, кире пуканĕ йăтса, шашкăлла, шахматла выляса ăмăртрĕç. Спорт çемйисем, механизаторсем, дояркăсем те ăмăртура хастар пулчĕç. Районти маттур спортсменсем те ăмăртăва хутшăнса çĕнтерỹçĕсен йышне лекме пултарчĕç. Владимир Калашников кире пуканĕ йăтса иккĕмĕш вырăна йышăнчĕ. Венера Арсентьева йĕлтĕрпе чупса виççĕмĕш пулчĕ. Сергей Красилов, Николай Индюков, Елена Васильева шашкăлла выляса виççĕмĕш вырăн йышăнчĕç. Сергей Пыркин, Вячеслав Яндров механизаторсем ăмăртура тăваттăмĕшсем пулчĕç.
Ю.БОРОВКОВ.
Источник: "Каçал Ен"