14 февраля 2017 г.
Нарăс уйăхĕн 9-мĕшĕнче Асанкасси ялĕнче пурăнакан Лидия Ивановна Прокопьева 80 çул тултарчĕ.
Çамрăк хĕр Александр Никифорович Прокопьевпа çемье çавăрнă. Вĕсем 8 ача пăхса çитĕнтернĕ. Лича аппан мăшăрĕ пурнăçран вăхăтсăр уйрăлнă, халĕ ăна 20 мăнук тата 4 мăн мăнук савăнăç кỹреççĕ. Хальхи вăхăтра Лича аппа кĕçĕн ывăлĕн çемйипе пурăнать.
Вăл мĕн тивĕçлĕ канăва тухичченех тăван ялти колхозра тăрăшнă, кулленхи ĕçре ырă ята тивĕçнĕ.
Çак савăнăçлă кун Асанкассинчи культура ĕçченĕсем юбиляра савăк юрă парнелерĕç. Çывăх тăванĕсем те сумлă юбилей ячĕпе саламларĕç.
Е. МАШТАНОВА.
Источник: "Каçал Ен"