14 февраля 2017 г.
Чăваш Енре "НАШСЕЛЬХОЗ" электронлă информаци площадки ĕçлеме пуçланă. Ăна республикăри ял хуçалăх таварне туса илекенсене хăйсен продукцине посредниксемсĕр сутма условисем туса парас тĕллевпе йĕркеленĕ.
Площадкăра информацие Чăваш Енри ял хуçалăх таварне туса илекен статуслисем - ăна муниципалитетсенчи администрацисен яваплă специалисчĕсем çирĕплетеççĕ - вырнаçтарма пултараççĕ. Çак меслет Чăваш Енре туса илекен продукцие çĕршывăн пур регионĕнче те туянма май парĕ.
Электронлă информаци площадки вырăнти ял хуçалăх таварне туса илекенсене хăйсен продукцине анлăрах сутма пулăшĕ. Площадкăн хăйне евĕрлĕхĕ - информаципе ти-вĕçтересси тата площадкăна тăвакансем суту-илỹ килĕшĕвĕнчен процентсем илменни. Сутакан тавар виçипе пахалăхĕшĕн явапли вара - сутуçă хăй.
Электронлă информаци площадкин операторĕ - "Продовольственный фонд ЧР" КУП. Кашни районта площадкăра информаци вырнаçтарассишĕн яваплă специалистсене палăртнă. Районта çак ĕçе райадминистрацин ял хуçалăх тата экологи пайĕн начальникĕн ĕçĕсене пурнăçлакан Вячеслав Никифоров туса пырать.
Электронлă информаци площадкине ЧР Ял хуçалăх министерствин официаллă сайчĕ урлă та - "НАШСЕЛЬХОЗ" баннерпа е http://нашсельхоз.рф ссылкăпа - тухма пулать.
Источник: "Каçал Ен"