10 февраля 2017 г.
2017 çулхи январь уйăхĕнче районти ЗАГС уйрăмĕ 16 пепке çуралнине регистрациленĕ. Вĕсенчен 6-шĕ - арçын ачасем, 10-шĕ - хĕр. Сакăр çемьери ашшĕ-амăшĕшĕн ачасем - пĕрремĕш пепкесем тата 8 çемьере иккĕмĕш тата виççĕмĕш ачасем çут тĕнчене килнĕ.
Унпа пĕрлех январь уйăхĕнче 9 мăшăр çемье çавăрнă. Вĕсем пурте çăмăллăхпа усă курса заявленисене пĕрлехи патшалăх пулăшăвĕсен порталĕ урлă çырнă. Тăватă мăшăр уйрăлнă.
Шел пулин те, савăнăçлă пулăмсемпе пĕрлех çынсем вилнине те регистрацилемелле. Иртнĕ уйăхра 37 çын (20 арçын, 17 хĕрарăм) пурнăçран уйрăлнă.
О.ФЕДОТОВА,
ЗАГС пайĕн начальникĕ.
Источник: "Каçал Ен"