07 февраля 2017 г.
Республикăри ачасемпе çамрăксен библиотеки кăçал "Интернет ырă пултăр" акци ирттерет. Акци январĕн 31-мĕшĕнче пуçланнă. Ăна виçĕ тапхăрпа йĕркелеççĕ. Унта республикăри библиотекăсем хутшăнаççĕ.
Пĕрремĕш тапхăрĕнче - январĕн 31-мĕшĕнчен пуçласа февралĕн 7-мĕшĕччен - библиотекăсенче "Рунетăн хăрушсăрлăх эрни" акци йĕркеленĕ. Çак вăхăтра районти вулавăшсенче ачасем интернет хăрушсăрлăхĕн правилисене вĕренсе, хăрушлăхсăр сайтсемпе тата порталсемпе паллашнă.
Иккĕмĕш тапхăр сентябрĕн 19-29-мĕшĕсенче иртет. Раççей Интернет кунне халалласа "Интернет-продленка" акци пулать. Çак 10 кун хушшинче çамрăк кĕнеке тусĕсем библиотекăсенче интернет сетьне кĕме çăмăллăх илееççĕ. Юлташĕсене илсе килнĕ ачасене хушма бонус параççĕ.
Виççĕмĕш тапхăрта, октябрĕн 27-мĕшĕнче, "Интернет C паллипе" ятпа библиотекăра пĕрлехи урок иртет.
"Çакăн йышши акцисем йĕркелени ачасемшĕн çав тери усăллă. Акци вăхăтĕнче библиотекăра нумай мероприяти ирттерме палăртнă. Пĕрремĕш тапхăрта ачасемпе тĕлпулусем, калаçу сехечĕсем йĕркелерĕмĕр. Вĕренекенсем интернетпа çăмăллăнах усă кураççĕ, анчах та чылай чухне хăрушсăрлăх пирки манаççĕ, - пĕлтерчĕ районти тĕп библиотека директорĕ Инна Ядрова.
Информаципе тĕплĕнрех sio1@chuvrdub.ru адреспа кĕрсе паллашма пулать.
Источник: "Каçал Ен"