27 января 2017 г.
Январĕн 21-22-мĕшĕсенче Мускавра "Единая Россия" партин XVI отчетпа суйлав съезчĕ иртнĕ.
Съезд делегачĕсем РФ Правительствин премьер-министрне Дмитрий Медведева çĕнĕ пилĕк çуллăх тапхăра парти председательне пĕр саслăн суйланă. Аслă Канашăн председателĕн Борис Грызловăн тата Генеральнăй Канашăн секретарĕн Сергей Неверовăн полномочийĕсене çирĕплетнĕ. Делегатсем партин Генеральнăй тата Аслă Канашĕсен çĕнĕ йышне палăртнă. Чăваш Республикин икĕ представителĕ - Алена Аршинова тата Николай Миллин - вĕсен йышĕнче.
Ларăва уçнă май парти председателĕ Дмитрий Медведев Раççей Президенчĕн Владимир Путинăн салам сăмахĕсене вуласа панă. Çĕршыв ертỹçи "Единая Россия" суйлавра çĕнтернĕ май чăтăмлă пулнине тата ыттисене хисепленине кăтартнине, ертсе пыракан политика вăйĕн çак пахалăхсемпе уйрăлса тăмаллине палăртнă. Форумра парти председателĕ доклад тунă, партин пилĕк çулти тапхăрти ĕçне, 2016 çулхи суйлав кампанине, "Единая Россия" фракцин Патшалăх Думинчи ĕçĕн малтанхи уйăхĕсене пĕтĕмлетнĕ. "Единая Россия" çĕршывра тăвакан пĕтĕм йышăнушăн яваплă, мĕншĕн тесен суйлавра партишĕн сасăлакан çынсем вăл хăйсен интересĕсене хỹтĕлессе шанаççĕ", - тенĕ Дмитрий Медведев. Çавăн пекех парти председателĕ çĕнĕ проектсене ĕçе кĕртесси çине пысăк тимлĕх уйăрма ыйтнă. Тĕслĕхрен, "Наш двор", "Парки малых городов", "Местный дом культуры", "Театр малых городов" проектсем ĕçе кĕреççĕ. Çав шутра пирĕн республикăра та проектсем тухăçлă ĕçлемелле.
Форума хутшăнакансем партин суйлав программи пурнăçланнине, çĕнĕ пуçарусемпе шухăшсене 7 дискусси площадкинче сỹтсе явнă. Унта Чăваш Енрен ЧР Патшалăх Канашĕн Председателĕ Валерий Филимонов, Чăваш регион уйрăмĕн секретарĕ, вице-спикер Николай Малов, Шупашкар хула пуçлăхĕ Ирина Клементьева, Патшалăх Канашĕнчи фракци ертỹçи Вячеслав Рафинов, парти председателĕн регионри общество йышăну пỹлĕмĕн ертỹçи Николай Николаев, РФ Патшалăх Думин депутачĕсем Алена Аршиновăпа Леонид Черкесов хутшăннă.
Источник: "Каçал Ен"