13 января 2017 г.
Чăваш Ен Пуçлăхĕ Михаил Игнатьев кăрлачăн 10-мĕшĕнче ЧР Общество палатин членĕсемпе тĕлпулу ирттернĕ.
Унта палатăн пилĕк çулхи ĕç-хĕлне пĕтĕмлетнĕ, малашлăх тĕллевĕсем пирки калаçнă. Михаил Игнатьев граждан обществин институчĕн членĕсене хастарлăхшăн тав тунă. Влаç органĕсем тата Общество палати пĕр-пĕринпе тачă çыхăну тытса ĕçлени халăхăн пурнăç пахалăхне ỹстерме пулăшакан çулсенчен пĕри пулнине палăртнă.
Тĕлпулура граждан обществин институчĕсен аталанăвне, коммерципе çыхăнман организацисен пĕлтерĕшне тата ытти ыйтăва сỹтсе явнă. Общество палатин членĕсем Чăваш Республикин Пуçлăхĕ Патшалăх Канашне яма хатĕрлекен Çырăва мĕн кĕртсен аванраххине те тишкернĕ.
Источник: "Каçал Ен"