10 января 2017 г.
Декабрĕн 1-25-мĕшĕсенче районта "Çĕнĕ çул фантазийĕ" конкурс иртрĕ.
Конкурса тăратнă ĕçсем кашниех хăйне евĕр, çĕнтерỹçĕсене палăртма та çăмăлах пулман. Предприятисемпе организацисем хушшинче район администрацийĕн капиталлă строительство тата коммуналлă хуçалăх пайĕ тесе палăртнă. Уйрăм хуçалăхсене илес пулсан, Тукай ялĕнче пурăнакан Александр Никитин, Александр Курицын тата Комсомольскинчи Мария Илларионова хуçалăхĕсем чи хитрисем тесе палăртнă.
Ял тăрăхĕсем хушшинче Хирти Сĕнтĕр ял тăрăхне çитекенни пулман. Вĕсем кашни çулах конкурса тĕплĕн хатĕрленеççĕ. Конкурс çĕнтерỹçисене Дипломсемпе тата сертификатсемпе чысланă. Кăçал та конкурса декабрь уйăхĕнче ирттерме палăртаççĕ. Унта хутшăнакансем йышлăрах пуласса шанаççĕ.
(ХАМĂР ИНФ.).
Источник: "Каçал Ен"