10 января 2017 г.
2017 çулхи 9 куна хыçала хăвартăмăр. Январĕн 9-мĕшĕ тĕлне районта 6 пепке çут тĕнчене килнине регистрациленĕ. Вĕсенчен пĕри вара декабрĕн 31-мĕшĕнче çуралнă. Асанкасси ялĕнче пурăнакан Козловсен çемйинче Павел ывăл çуралнă. Январĕн пĕрремĕшĕнче Комсомольскинче пурăнакан Шамсутдиновсен çемйинче Наиля хĕр, Çĕнĕ Кипеçри Семеновсен çемйинче Яна хĕр çут тĕнчене килнĕ.
Раштав уявĕнче, январĕн 7-мĕшĕнче, ЗАГС уйрăмĕнче 3 мăшăр çемье çавăрнине регистрациленĕ. Разиляпа Азат Гимальдиновсем, Регинепе Ирек Ямалиевсем, Еленăпа Алексей Шумилкинсем пĕрлешсе, туй кĕрлеттернĕ.
О.ФЕДОТОВА.
Источник: "Каçал Ен"