Публикации » Çĕнтерỹçĕсем паллă

26 декабря 2016 г.

Спортпа туслă ачасем, волейболла выляма кăмăллакан вĕренекенсем кашни çулах шкул ачисен волейбол лигин чемпионатĕнче вăй виçеççĕ. Декабрь уйăхĕнче вĕренекенсем муниципалитет шайĕнчи ăмăртусенче тупăшрĕç. Декабрĕн 24-мĕшĕнче, шăматкун, район шайĕнчи çĕнтерỹçĕсем паллă пулчĕç. Хĕрсен командисем хушшинче Шурут вăтам шкулĕн командине çитекенни пулмарĕ. Вĕсем - пĕрремĕшсем. Асанкассисем - иккĕмĕш, Тукай Мишерсем виççĕмĕш пулчĕç. Арçын ачасенчен вара чи маттуррисем - Комсомольски 2-мĕш вăтам шкулĕн команди. Шурутсем - иккĕмĕш, Тукай Мишерсем виççĕмĕш вырăнсене тивĕçрĕç. Пĕрремĕш вырăна йышăннă командăсен район чысне республика шайĕнче хỹтĕлемелле пулать. Малти виçĕ вырăна тивĕçнĕ командăсене Чăваш Республикин Патшалăх Канашĕн депутачĕсем Петр Красновпа Юрий Попов парнесемпе савăнтарчĕç. Çакă вара ачасене уйрăмах хавхалантарать. Депутатсене тавах.

В.ГАВРИЛОВ.

Источник: "Каçал Ен"