20 декабря 2016 г.
Регионсем хушшинчи "Школа-пресс" пултарулăх уçă конкурсне шкулта, колледжра, ача-пăча клубĕнче, пултарулăх центрĕнче хаçат кăларакан редакцисем хутшăнма пултараççĕ. Вĕсен 2016 çулта кун çути курнă виçĕ хаçатăн страницисене конкурса тăратмалла. Материалсене декабрĕн 30-мĕшĕччен йышăнаççĕ. Тĕплĕнрех информаципе www.grani21.ru сайтра паллашма пулать.
Çĕнтерỹçĕсене 2017 çулхи январь уйăхĕн вĕçĕнче палăртаççĕ. Пĕлтĕр конкурса Комсомольски 1-мĕш вăтам шкулĕн вĕренекенĕсем хутшăннăччĕ. Кăçал вара унта районти ытти шкул ачисем тата ытларах пуласса шанас килет.
А.АНТОНОВА.
Источник: "Каçал Ен"