16 декабря 2016 г.
Районти "Кĕтне" физкультурăпа спорт комплексĕнче тăтăшах тĕрлĕ спорт ăмăртăвĕсем иртеççĕ. Çак кунсенче те кунта ветерансем Ф.Б.Мамуткин ячĕпе йĕркеленĕ волейбол турнирĕнче тупăшрĕç. Районти спортсменсемсĕр пуçне мероприятие кỹршĕ районсен командисем те хутшăнчĕç.
Пуçтарăннисене чи малтанах турнир йĕркелỹçисем саламларĕç, ăнăçу сунчĕç, нумай çул хушши пĕрле ăмăртусене хутшăннă юлташĕсем вара Фирс Борисович кун-çулĕпе паллаштарчĕç, ун пирки каласа пачĕç.
Вăйăсем питĕ хĕрỹ иртрĕç. Çапах та Комсомольски районĕн ветеранĕсен хутăш командине çĕнтереймерĕç, вĕсем пĕрремĕш пулчĕç. Иккĕмĕшпе виççĕмĕш вырăнсене вара Йĕпреçпе Елчĕк районĕсен волейболисчĕсем пайларĕç.
Ю.БОРОВКОВ.
Источник: "Каçал Ен"