16 декабря 2016 г.
Çĕнĕ çул уявĕсем умĕн ултавçăсем телефонпа саламлакан открыткăсем яма пуçлаççĕ.
Асăрханăр, вĕсем вируслă. Смс-пĕлтерĕве уçсан тата унти ссылкăсемпе кайсан карттă çинчи укçасăр тăрса юлма пулать. Кун пек тĕслĕхсем республикăра пĕлтĕр те сахал мар пулнă. Ултавçăсем телефон хуçи патне смс-пĕлтерỹ яраççĕ, унта открытка е парне пуррине çыраççĕ, вĕсене уçса пăхма вара интернет ссылкăпа кайма хушаççĕ. Ссылка çине пуссан вируслă программа тухать. Вăл ултавçăсене телефонпа çыхăннă карттăсем çинчен укçа сăптăрма пулăшать. Çавăнпа та Чăваш Республикин Шалти ĕçсен министерстви граждансене тимлĕрех пулма ыйтать, сотовăй телефон çине килнĕ смс-пĕлтерỹсенчи палламан ссылкăсене уçма юраманнине аса илтерет.
Чăваш Республикин Шалти ĕçсен министерствин пресс-служби.
Источник: "Каçал Ен"