16 декабря 2016 г.
Чăваш Республикин Транспорт тата çул-йĕр хуçалăхĕн министерстви халăха ыйтăма хутшăнма сĕнет. Унта "Эсир Шупашкарти аэропорта "Совет Союзĕн икĕ хут Геройĕн, авиаци генерал-майорĕн, СССР космонавт-летчикĕн А.Г.Николаевăн ятне памалла тесе шухăшлатăр-и?" ыйтăва хуравламалла.
Сасăлава хутшăнас текенсен Транспорт министерствин сайтне кĕрсе хăйсен шухăшне палăртмалла. Ыйтăм кăçалхи раштав уйăхĕн 30-мĕшĕччен пырать. Раштавăн 13-мĕшĕ тĕлне унта 353 çын хутшăннă: вĕсенчен 194-шĕ аэропорта А.Николаевăн ятне памалла тесе, 158-шĕ вара хирĕç сасăланă, пĕри тытăнса тăнă.Татăклă йышăну тăвас умĕн ведомство общество шухăшне те тĕпе хурĕ. Аса илтеретпĕр: 2017 çулта пирĕн мухтавлă ентешĕмĕр Андриян Николаев космоса пĕрремĕш хут вĕçнĕренпе 55 çул çитет.
Источник: "Каçал Ен"