13 декабря 2016 г.
Шупашкарта Хĕл Мучи ачасен çырăвĕсене йышăнма тытăннă. Ун патне 7-16 çулсенчи ачасем çырма пултараççĕ. Çĕнтерỹçĕсене Хĕрлĕ лапамра чыслĕç. Пултарулăх конкурсĕ ноябрĕн 28-мĕшĕнче пуçланнă. Ачасем Хĕл Мучие хăйсен ĕмĕчĕ пирки пĕлтерме, çулталăкра тунă ырă ĕçсем çинчен çырса кăтартма пултараççĕ. Конкурс икĕ номинаципе иртет: литература хайлавĕ (сăвă, калав, юмах, эссе) тата Çĕнĕ çулхи открытка. Чи лайăх ĕçсене Шупашкар хулин музейне парĕç. Чи лайăх ỹкерчĕк салам открытки çинче пулĕ. Ăна Шупашкарти почтăсенче туянма май пулĕ. Ĕçсене çак адреспа декабрĕн 20-мĕшĕччен ярса памалла: 428000, Шупашкар хули, Ленин проспекчĕ, 2-мĕш çурт, Хĕл Мучи валли е В.Маяковский ячĕллĕ тĕп библиотекăна çак адреспа: Гузовский урамĕ, 11-мĕш çурт çитерсе памалла.
Источник: "Каçал Ен"