13 декабря 2016 г.
Çĕнĕ çул çывхарать. Апла пулсассăн тавралăха, кил-çурта, ĕç вырăнĕсене илемлетме вăхăт çитнĕ. Çак ĕçе районта декабрь пуçламăшĕнчех пуçăннă теме пулать. Организацисемпе предприятисем, уйрăм хуçалăхсем кил-çуртсене илемлетеççĕ, район центрĕнче, "Кĕтне" физкультурăпа спорт комплексĕн стадионĕнче чăрăшсем вырнаçтарса лартрĕç. Çынсем тата та хавхалануллăрах ĕçлеччĕр тесе район администрацийĕ декабрĕн1-25-мĕшĕсенче "Çĕнĕ çул фантазийĕ" конкурс ирттерме палăртнă. Конкурса организацисемпе предприятисем, уйрăм хуçалăхсем, ял тăрăхĕсем, уйрăм предпринимательсем хутшăнма пултараççĕ. Завкăсене декабрĕн 25-мĕшĕччен çак адреспа йышăнаççĕ: Комсомольски ялĕ, Завод урамĕ, 57-мĕш çурт, 44-мĕш пỹлĕм. Çĕнтерỹçĕсене тăватă номинацире палăртаççĕ. Тĕплĕнрех информаципе Комсомольски районĕн сайтĕнче паллашма пулать.
Источник: "Каçал Ен"