13 декабря 2016 г.
Ĕнер, декабрĕн 12-мĕшĕнче, Пĕтĕм Раççейре йышăну кунĕ иртрĕ. Ăна кашни çулах йĕркеленин тĕллевĕ - патшалăхăн е вырăнти хăй тытăмлăх органĕсенче ĕçлекенсем çынсене хумхантаракан ыйтусене татса пама пулăшасси, вĕсене уçăмлатасси.
Çавна май районта пурăнакансене район, ял тăрăхĕсен администрацийĕсенче харпăр хăй ыйтăвĕсемпе 12 сехетрен пуçласа 20 сехетчен йышăнчĕç. Вырăнтах татса пама май пур ыйтусене хуравсем пачĕç, патшалăх влаç органĕсене пырса тивекеннисене çитес вăхăтра уçăмлатĕç.
Раççейĕпех йышăну кунĕ йĕркелесси йăлана кĕни - çав тери ырăм пулăм, мĕншĕн тесессĕн влаç органĕсен представителĕсемпе курса калаçма, ыйтăва уçăмлатма, сỹтсе явса пĕр шухăш патне килсе тухма май пур.
Районта йышăну кунĕ мĕнле иртнĕ пирки, граждансене епле ыйтусем хумхантарнипе тĕплĕнрех çитес номерте паллаштарăпăр.
А.ЕФРЕМОВА.
Источник: "Каçал Ен"