02 декабря 2016 г.
Граждансене патшалăх пулăшăвĕсемпе çăмăллăнах усă курма майсем туса парас енĕпе республикăра сахал мар ĕçлеççĕ. Акă, сăмахран, Раççей Гвардийĕн Чăваш Республикинчи районти лицензи тата ирĕк паракан уйрăмĕн пулăшăвĕсемпе те маларах телефонпа шăнкăравласа çырăнма пулать. Çакна пурнăçлама 5-13-02 телефонпа шăнкăравламалла, йышăнăва çырăнмалла. Çавăн пекех эпир çынсене районти шалти ĕçсен пайĕн çурчĕн пĕрремĕш хутĕнче йышăнатпăр. Адрес: Комсомольски ялĕ, Ленин урамĕ, 2-мĕш çурт, 37-мĕш пỹлĕм. Уйрăм çынсене тунтикун - 9-18 сехетсенче, юнкун 9-13 сехетсенче. Апат вăхăчĕ - 13-14 сехетсенче.
Граждансене электронлă мелпе пулăшу парасси те вăйра. Заявлени çырма Пĕрлехи портала кĕрсе регистрациленмелле (gosuslugi.ru). Хăвăрпа пĕрле паспорт, патшалăх пенси страхованийĕн свидетельстви пулмалла. Хăвăр тĕллĕн регистрациленме май килмесессĕн, ыйтусем пулсассăн сире районти нумай функциллĕ центрта та пулăшу параççĕ (Комсомольски ялĕ, Завод урамĕ, 57-мĕш çурт).
Л.НИКИФОРОВА.
Источник: "Каçал Ен"